Стапете во контакт со канцеларијата на Европскиот Парламент во Словенија

Канцеларијата на Европскиот парламент во Словенија се грижи за ажурни информации и вклучување на своите граѓани во тековните дебати и одлуки усвоени од Европскиот парламент и затоа организира;
I. Регионалните форуми се дизајнирани за дискусии со различни засегнати страни – локални области, граѓански друштва, бизнис секторот, медиумите и сите засегнати страни, затоа се организираат во оние региони кои се предмет на  сослушување на Европскиот парламент. Главниот настан на форумот е тркалезна маса (или друга форма на јавна дебата, прилагодена на темата и регионот) со словенечки членови на Европскиот парламент. Дебатата меѓу заинтересираните граѓани на Словенија и словенечките европратеници има за цел да се разменат мислења и да се разјаснат клучните предизвици, прашања, ефекти и последици од новиот законски предлог, за кој се расправа во Европскиот парламент. Заради отстранување на сомнежите и противењата, кои се вообичаени во дискусиите за политиката на Европската Унија, поради поголем кредибилитет, карактеристично е што на тркалезната маса присуствуваат и независни претставници од различни професионални профили - професори, експерти итн.

Персоналот на Европската канцеларија во Словенија ги посетува и средните училишта во регионот каде што се одржува форумот, со цел интерактивна презентација на работата на Европскиот парламент и информирање за можностите за активно европско граѓанство.

II. Дијалогот со засегнатите страни е насочен кон развивање заеднички решенија за донесување одлуки за јавните политики на Европската унија. Дијалогот со засегнатите страни се подготвува во соработка со словенечкиот пратеник во Европскиот парламент кој е овластен да подготви извештај за конкретен законски предлог или кој било друг документ. Подготовката на извештајот опфаќа анализа на законскиот предлог и консултација со струката и целните групи на законскиот предлог, така што во процесот се вклучени засегнати страни од европско, национално и локално ниво.

Европската канцеларија во Словенија насочува дел од својата мисија за активно подигање на свеста на младите за улогата и активностите на Европскиот парламент и затоа организира различни активности за младите:

Образовната програма, која се заснова на целите за европска интеграција, зајакнување на парламентарната демократија и подигање на свеста за ЕУ, е наменета за словенечките средни и стручни училишта - и за учениците и наставниците. Училиштето треба да аплицира за програмата, а одлуката за избор, која е во доменот на Информативната канцеларија на Европскиот парламент во Словенија, се заснова на социјална и географска рамнотежа. Се организираат detalni обуки за наставниците кои ја водат програмата во нивните училишта. Училиштето поставува физичка или онлајн информативна точка за ЕУ, точка која ги обезбедува сите информации за ЕУ и активностите кои се дел од програмата. Избраното училиште (избрани наставници - ментори амбасадори и избрани ученици амбасадори) по повод Денот на Европа (9 мај), организираat настан поврзан со ЕУ - европски пазар, европски музички фестивал, дебатен натпревар и слично. Избраното училиште подготвува и училишни и воннаставни активности поврзани со темата ЕУ.

                       - Европско училиште

Euroschool е повеќејазична симулација на Европскиот парламент. Се одржува со околу 600 ученици од цела Европа кои на еден ден ја окупираат пленарната сала на Европскиот парламент во Стразбур со цел да се запознаат со актуелните прашања, да најдат решенија и да изразат мислење. Од ова произлегува збир на резолуции за кои учениците гласаат на пленарна седница. На настанот присуствуваат и европратеници. Самиот настан, покрај стекнатото знаење за ЕУ, промовира и мрежење и зајакнување на јазичните вештини на учениците. Заинтересираното училиште треба да се пријави за настанот на Euroschool преку распишан повик. Училиштата кои ќе победат на конкурсот објавен од Канцеларијата за информации на Европскиот парламент патуваат во Стразбур.

                            - Европска гимназија

Европска гимназија е радио емисија за млади, која се одржува секоја среда во 20 часот на првата програма на Радио Словенија. Се водат дискусии за актуелни прашања за кои во моментов се расправа во Европскиот парламент. Обичајно на дебатата во студиото се приклучуваат и словенечки европратеници. Неделните дебати ги следи шефот на Информативната канцеларија на Европскиот парламент во Словенија, кој ги оценува тимовите учесници. Слушателите можат да гласаат за својот тим преку Фејсбук страницата  Програма за млади. Конечните победници се наградени со дводневна посета на симулацијата на Европскиот парламент во Стразбур.

                                - за студенти

* Европратеник за еден ден е симулациски настан на Европскиот парламент за студенти (без разлика на полето и степенот на студирање), кој се одржува во Словенија. На настанот се разговара за актуелни актуелни прашања.

* Можноста на ЕУ е на младите да им ја даде првата работа или да го стекнат првото работно искуство. Како дел од проектот „Можност на ЕУ се организираат настани за вработување низ Словенија а заинтересираните можат да се пријават за електронски новости, каде што се во тек со сите можности за вработување.

* Стажирањето во Европскиот парламент им овозможува на младите луѓе да започнат кариера. Платената пракса младите можат да ја изведат на три локации на Европскиот парламент - во Стразбур, Брисел, Луксембург или во информативните канцеларии на Европскиот парламент во сите земји-членки на ЕУ. Со цел да се поддржи принципот на еднакви можности, еден дел од Програмата за пракса е наменет и за лицата со попреченост.

Практичката работа може да се изведува и во други институции на ЕУ: