Директиви

Не се директно применливи во земјите-членки на ЕУ, но потребно е да се спроведе содржината на директивите во националното законодавство,
обично во рок од две години од усвојувањето на директивата (освен ако не е поинаку наведено), во спротивно Европската комисија може да покрене постапка против земјата – членка за кршење на правниот ред на ЕУ.

Директивите се правни акти на ЕУ кои ги обврзуваат земјите-членки да постигнат одредени резултати и да ги постигнат зацртаните цели, додека ЕУ на земјите-членки им остава избор како да ги постигнат овие обврзувачки резултати и цели. Се разбира, Европската комисија, им ги дава на земјите-членки на ЕУ сите потребни информации, како што се состаноци на експертски групи, упатства, за да се олеснат и правилно да се имплементираат директивите  на ЕУ во националното законодавство.

Годишните извештаи за применета на Европското право од страна на земјите-членки на ЕУ се јавно објавени и се достапни бесплатно за сите заинтересирани страни, а Европската комисија испраќа годишни извештаи до Европскиот парламент и до сите земји-членки.